Gjendet i pajetë biznesmeni i zhdukur në mënyrë misterioze në Greqi, lëvizja dyshuese me zhvendosjen e parave

Është gjetur i pajetë biznesmeni grek i cili u zhduk në mënyrë misterioze dy ditë më parë në Greqi. Stavros Dogias u gjet i vdekur në një pyll pranë Ai Giannis pasi kishte qenë në një dasëm të Dielën.

Dyshimet e para flasim për një vetëvrasje. Ndërkohë trupi i tij është dërguar për ekzaminim për të dalë në konkluzion.

Sipas Protothemës, jeta e Stavros Dogias kishte ndryshuar rrënjësisht kohët e fundit, teksa vëllai i tij dëshmoi në polici, se 53-vjeçari u largua nga taverna ‘Kritikos’ pas dekadash, duke ia transferuar pjesën e tij të vëllait, për shumën prej 650,000 euro.

Ai do të krijonte një biznes të ri hotelierik në Mesogeion Avenue, ndërsa informacioni thotë se dyshohet se u ngrit një çështje me një pagesë të madhe. Stavros Dogias shkroi një shënim me disa fjalë duke thënë se ai ia lë gjithçka vëllait të tij. Pranë letrës së bardhë, ishte një kuti parash, e cila u konfiskua nga policia për të bërë numërimin dhe për të përcaktuar shumën e saktë.

Këto të dhëna të reja janë vënë nën mikroskopin e Sigurimit në mënyrë që të zbulohet se çfarë ishte ajo që ndikoi në jetën e biznesmenit dhe e bëri atë ti japi fund jetës së tij.

Disa orë para se të përfundojë ekzaminimi mjeko-ligjor, të dhënat e para të Policisë, zbulojnë të dhëna të reja në lidhje me momentet e fundit të jetës së Stavros Dogias dhe mënyrën se si ai vendosi t’i japë fund jetës.

Është tronditëse që 53-vjeçari u përpoq të bënte vetëvrasje duke qëlluar fillimisht veten në zemër. Sidoqoftë, ai nuk arriti të përfundonte veprimin e tij pasi plumbi i parë shkaktoi një plagë depërtuese dhe ai nuk gjeti një shënjestër, si rezultat i së cilës ai u përpoq për herë të dytë, duke mbështetur pistoletën në kokë.
Policia po përpiqet të hetojë për të hedhur dritë mbi çështjen e diskutueshme, ndërsa plumbat e përdorura nga Dogias janë dërguar në Laboratorët e Mjekësisë Ligjore për ekzaminim.

Shtuar 23.06.2021 12:07