EMRI/ I dënuar me burg për kalim të emigrantëve të paligjshëm, arrestohet në Durrës

Policia ka arrestuar 24-vjeçarin Eralind Pirraçi i shpallur në kërkim. Pirraçi është dënuar me 5 vjet e 6 muaj burgim për veprën penale “Ndihma për kalim të paligjshëm të kufijve”.

Në bashkëpunim me tre të tjerë, 24-vjeçari është kapur në mars të 2020 duke transportuar me një mjet tip “Volksëagen” dhe një mjet tip “Benz”, 8 emigrantë të paligjshëm, në drejtim të Tiranës, kundrejt fitimit prej 300-350 euro, me qëllim kalimin drejt vendeve të BE-së.

Njoftimi i policisë:

Durrës

Vijon puna për kapjen e personave në kërkim kombëtar.

Kapet dhe ndalohet një 24-vjeçar i dënuar me 5 vjet e 6 muaj burgim për veprën penale “Ndihma për kalim të paligjshëm të kufijve”.

Në kuadër të operacionit policor të koduar “Qafë Plloça”, i finalizuar nga Drejtoria Vendore e Policisë Korçë më datë 03.03.2020, shërbimet e Komisariatit të Policisë Durrës, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasin Eralind Pirraçi, 24 vjeç, banues në Durrës, pasi Gjykata e Shkallës së Parë Korçë e ka dënuar me 5 vjet e 6 muaj burg për veprën penale “Ndihma për kalim të paligjshëm të kufijve”.

Ky shtetas, më datë 03.03.2020, në bashkëpunim me 3 shtetas të tjerë (të arrestuar në kuadër të këtij operacioni), janë kapur duke transportuar me një mjet tip “Volksëagen” dhe një mjet tip “Benz”, 8 emigrantë të paligjshëm, në drejtim të Tiranës, kundrejt fitimit prej 300-350 euro, me qëllim kalimin drejt vendeve të BE-së.

Shtetasi Eralind Pirraçi i dorëzua Drejtorisë Vendore të Policisë Korçë, për veprime të mëtjeshme./albeu.com

Shtuar 14.07.2021 09:24