Izraeli sulmoi Vatikanin lidhur me komentet e bëra nga një zyrtar i lartë, ku ai i referohej luftës së Izraelit në Gaza si masakër.
Sekretari i Shtetit i Selisë së Shenjtë, Pietro Parolin, e komentoi këtë të martën në një pritje që festonte përvjetorin e njohjes së qytetit të Vatikanit si qytet-shtet sovran. Ai dënoi sulmet e 7 tetorit dhe të gjitha format e antisemitizmit, por më pas vuri në dyshim nëse reagimi i Izraelit ishte i duhur.
“E drejta e Izraelit për vetëmbrojtje është thirrur për të justifikuar se ky operacion është proporcional, por me 30,000 të vdekur, nuk është ashtu,” tha ai.
Ambasada e Izraelit në Selinë e Shenjtë i quajti komentet e Parolin të papranueshme në një deklaratë të lëshuar të enjten.
“Gjykimi i legjitimitetit të një lufte pa marrë parasysh të gjitha rrethanat dhe të dhënat përkatëse çon në mënyrë të pashmangshme në përfundime të gabuara”, thuhet në deklaratën e panënshkruar.
Deklarata përfundon duke thënë se përgjigja izraelite ka qenë në përputhje të plotë me ligjin ndërkombëtar.
