Ky fillim shtatori pritet të regjistrojë një përpjekje të re për t’u dhënë fund luftimeve dhe tensioneve të cilat vijojnë prej muajsh tashmë në territorin libanez, kjo sepse Izraeli dhe Libani do të rikthehen në tryezën e bisedimeve.
Sipas raportimeve raundi i ri i negociatave do të zhvillohet në Romë, ndërsa Shtetet e Bashkuara të Amerikës do të kenë këtë herë rolin e ndërmjetësit mes dy palëve. Ka qenë Departamenti Amerikan i Shtetit ai i cili ka konfirmuar zhvillimin e këtij takimi në kryeqytetin italian.
Të lidhura
None found
Ndërsa besohet se në qendër të bisedimeve do të jetë situata e sigurisë në Liban dhe ndalimi i sulmeve. Kujtojmë se, duke synuar Hezbollahun, grupi militant i cili mbështetet nga Irani, trupat izraelite kanë kryer sulme të herëpasehershme në Liban.
Fokusi i negociatave pritet të jetë te mënyrat për uljen e tensioneve dhe krijimi i kushteve për një ndalim më të qëndrueshëm të përplasjeve. Fakti që SHBA është duke u përfshirë drejtëpërdrejtë si një ndërmjetëse synon të lehtësojë komunikimin mes Izraelit dhe Libanit.
