Dy qendra të rëndësishme të shpërndarjes së Wildberries në qytetet Katovsk dhe Elektrostal u goditën të shtunën nga dronë ukrainas, sipas autoriteteve ruse. Si pasojë e sulmeve shpërthyen zjarre dhe u ndërpre puna në objektet logjistike të kompanisë, e cila përpunon më shumë se 20 milionë porosi çdo ditë.
Kremlini bëri të ditur se goditjet ndaj depove të shitësit më të madh online në Rusi i kanë shkaktuar humbje të konsiderueshme si kompanisë, ashtu edhe bizneseve që e përdorin platformën për aktivitetin e tyre.
Të lidhura
None found
Zëdhënësi i Kremlinit, Dmitry Peskov, e përshkroi gjendjen si “jashtëzakonisht të vështirë”. Ai nënvizoi se pasojat financiare kanë prekur jo vetëm Wildberries, por edhe bizneset e vogla dhe të mesme që varen nga kjo platformë.
Peskov kundërshtoi gjithashtu pretendimet e Ukrainës se Wildberries merr pjesë në furnizimin e Rusisë me pajisje ushtarake për luftën kundër Ukrainës, duke deklaruar se këto akuza nuk janë të vërteta.
Ndërkaq, përballja me dronë ndërmjet Rusisë dhe Ukrainës po prek me frekuencë në rritje infrastrukturën dhe objektet ekonomike në të dy vendet.
