Themeluesi i Amazon, Jeff Bezos, ka thënë se ai do të fluturojë në hapësirë me vëllain e tij në fluturimin e parë njerëzor të nisur nga kompania e tij hapësinore, Blue Origin.
Në një postim në Instagram, Bezos tha se fluturimi në hapësirë ishte diçka që ai kishte dashur të bënte gjithë jetën.
Blue Origin gjithashtu po nxjerr në ankand një vend në kapsulë, për dikë që do të bashkohet me çiftin në fluturimin inaugurues me njerëz.
“Më 20 korrik, unë do të bëj udhëtim në hapësirë me vëllain tim” shkroi ai në postimin në Instagram. “Aventura më e madhe, me mikun tim më të mire”.
Vëllai i Bezos, Marku, e quajti atë një “mundësi të jashtëzakonshme”./albeu.com
