Një aksident ka ndodhur në aksin rrugor Plepa-Romanat, ku një mjet tip Benz është përplasur me një plep dhe për pasojë ka humbur jetën një pasagjer. Nga ana tjetër, shoderi ndodhet në spital, ku po merr ndihmë mjekësore.
Njoftimi i policisë:
Durrës/Informacion paraprak
Me datë 10.11.2021, rreth orës 05:00, në aksin rrugor Plepa-Romanat, mjeti tip “Benz” me drejtues shtetasin E. K., 23 vjeç, ka humbur kontrollin dhe është përplasur me një plep.
Si pasojë e përplasjes drejtuesi i mjetit ndodhet nën kujdesin e mjekëve në gjendje të rëndë dhe ka ndërruar jetë pasagjeri shtetasi G. H., 23 vjeç.
Grupi hetimor po punon për zbardhjen e rrethanave të aksidentit./albeu.com
