Më 22 dhe 23 qershor, Zëvendëssekretari i Përgjithshëm i Kombeve të Bashkuara për Operacionet Paqeruajtëse, Jean-Pierre Lacroix, do të zhvillojë një vizitë zyrtare në Kosovë.
Gjatë qëndrimit të tij, ai pritet të takohet me krerë të lartë të Kosovës, partnerë ndërkombëtarë, përfaqësues të shoqërisë civile dhe zyrtarë të UNMIK-ut.
Të lidhura
None found
Në kuadër të agjendës së vizitës, Lacroix do të ndalet edhe në disa projekte që mbështeten nga Kombet e Bashkuara.
UNMIK-u ka bërë të ditur se bisedimet do të përqendrohen te paqeruajtja e Kombeve të Bashkuara, bashkëpunimi multilateral dhe mbështetja e vazhdueshme për paqen dhe stabilitetin në rajon.
Pas përfundimit të vizitës në Kosovë, ai do të vazhdojë turin e tij rajonal me ndalesa në Serbi dhe në Bosnje e Hercegovinë.
