Pas arrestimeve dhe zbulimit të varrezave masive në Zubin Potok, avokati Arianit Koci ka reaguar duke vënë në pikëpyetje fatin e personave të zhdukur gjatë luftës së fundit në Kosovë.
Të lidhura
None found
Në një reagim të publikuar në Facebook, Koci tha se po shfaqen prova që mund të lidhen me krime të rënda të kryera gjatë periudhës së luftës.
Sipas tij, pas shtrirjes së autoritetit shtetëror në veri të Kosovës, në Zubin Potok janë gjetur dy varreza masive, ku janë zbuluar mbetjet e 11 personave. Ai bëri të ditur se po hetohet edhe një lokacion i tretë.
Koci theksoi se ekziston dyshimi që këto mbetje mund t’u përkasin 23 intelektualëve të rrëmbyer në Mitrovicë më 19 prill 1999.
Avokati ia atribuoi një meritë Albin Kurtit, duke thënë se ai nuk u tërhoq përballë presionit.
Në përfundim, Koci ngriti pyetjen nëse insistimi i Serbisë për veriun mund të ketë lidhje edhe me përpjekjet për fshehjen e krimeve të luftës.
