Shqipëria dhe Forcat e saj të Armatosura do të vazhdojnë të kontribuojnë në misionin e KFOR-it në Kosovë, me synimin për të mbështetur sigurinë dhe stabilitetin në rajon.
Të lidhura
None found
Arben Kingji, Shefi i Shtabit të Përgjithshëm të Forcave të Armatosura të Shqipërisë, zhvilloi një takim me komandantin e KFOR-it, gjeneralmajor Özkan Ulutaş, i cili po përfundon mandatin në krye të misionit të NATO-s në Kosovë.
Gjatë bisedës u vlerësuan puna drejtuese e Ulutaşit dhe kontributi i tij në realizimin e detyrave të NATO-s në Kosovë.
Sipas Kingjit, në takim u trajtua vijimi i angazhimit të KFOR-it për të rritur sigurinë në Kosovë dhe për të ruajtur stabilitetin rajonal.
“U riafirmua gjithashtu angazhimi i Shqipërisë dhe i Forcave të Armatosura për të përmbushur detyrimet në kuadër të këtij operacioni të rëndësishëm të NATO-s”, tha Kingji.
