Qyteti ukrainas i Odesës është sulmuar gjatë natës nga Rusia, duke lënë të plagosur të paktën 17 persona, mes të cilëve edhe tre fëmijë.
Të lidhura
None found
Sulmet shkaktuan dëme në një pallat 21-katësh. Serhiy Lysak, kreu i administratës ushtarake të qytetit, njoftoi për pasojat e goditjeve dhe tha se ekipet e emergjencës vijuan ndërhyrjet në zonat e prekura.
Forcat Ajrore të Ukrainës bënë të ditur se gjatë natës Rusia përdori gjithsej 163 dronë për të sulmuar territorin ukrainas.
Autoritetet ukrainase deklaruan se 135 prej tyre u rrëzuan nga mbrojtja ajrore, përmes aviacionit, njësive raketore kundërajrore, mjeteve të luftës elektronike dhe sistemeve pa pilot.
Sipas forcave ukrainase, mjetet ajrore ruse u neutralizuan në 15 zona, ndërsa mbetjet e dronëve u gjetën në katër vende.
