Emilja Rexhepi, kryetare e NDS-së, ka treguar hollësi nga takimi i zhvilluar mbrëmë me kryeministrin në detyrë, Albin Kurti. Gjatë këtij takimi, përfaqësuesit e komuniteteve joshumicë u njoftuan për zhvillimet lidhur me marrëveshjen mes Lëvizjes Vetëvendosje dhe LDK-së për zgjedhjen e presidentit të Kosovës.
Të lidhura
None found
Në një prononcim për media, Rexhepi e ka përshkruar takimin si miqësor. Sipas saj, Kurti i informoi përfaqësuesit e komuniteteve për ecurinë e marrëveshjes dhe për propozimin që Bekim Sejdiu të jetë kandidat i përbashkët për president.
Diskutimet nuk u kufizuan vetëm te çështja e kreut të shtetit. Rexhepi bëri të ditur se në takim u trajtuan gjithashtu konstituimi i Kuvendit dhe krijimi i Qeverisë së re.
Ajo vlerësoi se zgjedhja e kryetarit të Kuvendit është një nga veprimet që duhet të ndërmerren sa më shpejt, në mënyrë që procesi për konstituimin e institucioneve të vijojë.
Rexhepi deklaroi se votimi për kryetarin e Parlamentit duhet të zhvillohet pa vonesa, ndërsa seanca konstituive pritet të thirret shumë shpejt.
