Gjatë pasdites së sotme, në disa pika kufitare të Kosovës është shënuar rritje e kohës së pritjes, me fluksin më të madh të regjistruar në Mutivodë.
Të lidhura
None found
Të dhënat e përditësuara në ora 14:13 tregojnë se qytetarët që largohen nga Kosova përmes Mutivodës duhet të presin deri në 30 minuta.
Në pikën kufitare të Merdarës, pritja në dalje zgjat nga 10 deri në 15 minuta, kurse për hyrje në Kosovë nevojiten nga pesë deri në 10 minuta.
Te Dheu i Bardhë, automjetet presin afërsisht 10 minuta për të dalë, ndërsa kolona është e gjatë rreth 100 metra.
Në Bërnjak, koha e pritjes për automjetet varion nga pesë deri në 10 minuta. Ndërkohë, në Jarinje pritjet në dalje arrijnë deri në 10 minuta.
Në vendkalimet e tjera kufitare, udhëtarët po presin përgjithësisht nga një deri në pesë minuta.
Sa u përket kamionëve, nuk janë raportuar kolona, ndërsa procedurat në hyrje dhe dalje zgjasin kryesisht nga tre deri në pesë minuta.
