Rodri nuk është nisur me Manchester Cityn për përballjen e “Community Shield” kundër Arsenalit, ndërsa shkak për mungesën e tij janë bërë negociatat me Barcelonën.
Të lidhura
None found
Gjatë gjithë verës, mesfushori spanjoll është përfolur fuqishëm për një kalim te Barcelona. Sipas raportimeve, ai e ka shprehur qartë synimin për t’iu bashkuar klubit katalanas.
Në të njëjtën kohë, Manchester City dhe Barcelona vijojnë bisedimet për transferimin e mundshëm të Rodrit. Dy klubet po përpiqen të gjejnë sa më shpejt gjuhën e përbashkët, por negociatat ende nuk kanë prodhuar një marrëveshje përfundimtare.
Mosudhëtimi i tij me skuadrën për ndeshjen e “Community Shield” i ka përforcuar zërat mbi të ardhmen e mesfushorit, ndonëse palët nuk e kanë mbyllur ende marrëveshjen.
Man City kërkon 80 milionë euro për Rodrin dhe deri tani ka hedhur poshtë dy propozime të skuadrës spanjolle. Megjithatë, Barcelona vazhdon përpjekjet dhe pritet të paraqesë ofertën e tretë në ditët e ardhshme.
