Peshkatarët durrsakë kanë kapur në thellësi të Adriatikut një peshkaqen 650 kg. Peshkaqeni është kapur në përballë grykëderdhjes së lumit Buna në 155 metër thellësi.
Kapiteni i anijes Kapllan Rama, në një prononcim për “News 24” ka thënë: “Ishim duke peshkuar në drejtim të grykëderdhjes së Bunës rreth 13 milje në largësi nga bregu. Kur thellësi matësi tregonte rreth 155 m ujë thellësi, e kuptuam se kishte rënë shpejtësia e anijes dhe se kishte rënë diçka e madhe në rrjetat tona. Pasi anijet e mëdha gjuajnë me trata fundore dhe ajo merr ç’t’i dalë përpara.
Pasi ngritëm tratat me vinç pamë peshkaqenin që po tentonte të shqyente rrjetën. Me kujdesin më të madh e hodhëm në kuvertë këtë përbindësh deti. Pasi e ngritëm në vinç konstatuam se ishte rreth 6.5 m i gjate dhe se peshonte rreth 650 kg”./albeu.com
