Profesori i njohur amerikan Steve Hanke ka komentuar në rrjetet sociale protestat masive që po mbahen në Tiranë kundër kryeministrit Edi Rama dhe qeverisë së drejtuar prej tij.
Hanke, i nderuar në Shqipëri me titullin e lartë “Kalorës i Urdhrit të Flamurit”, doli hapur në mbështetje të reagimit qytetar, ndërsa ngriti akuza të drejtpërdrejta për projektet e investimeve luksoze në vend.
Të lidhura
None found
“Për të 69-tën ditë, mijëra shqiptarë u mblodhën në Tiranë. Protestuesit akuzuan kryeministrin Rama dhe dhëndrin e Trump, Jared Kushner, për KORRUPSION. Si Kavalier i Urdhrit të Flamurit të Shqipërisë, është koha që Shqipëria ta braktisë projektin e luksit të Kushnerit dhe që kryeministri Rama të marrë derën e daljes,” shkruan Hanke.
Me këtë qëndrim, ekonomisti me njohje ndërkombëtare e cilëson praninë e qytetarëve në shesh si një mesazh të qartë për anulimin e menjëhershëm të projektit turistik luksoz. Njëkohësisht, ai kërkon që kreu i qeverisë shqiptare të japë dorëheqjen.
