Pas shpërthimit të epidemisë së shkaktuar nga uji i kontaminuar, në spitalin dhe qendrën shëndetësore të Gostivarit është regjistruar një rritje e re e qytetarëve që kanë kërkuar ndihmë mjekësore.
Të lidhura
None found
Të dhënat e Ministrisë së Shëndetësisë tregojnë se më 24 korrik numri i pacientëve ra ndjeshëm në vetëm 80, ndërsa një ditë më vonë, më 25 korrik, u rrit në 125.
Ministria i ka bërë publike këto shifra, por nuk ka dhënë shpjegime për arsyet që mund të kenë ndikuar në rikthimin e trendit rritës.
Fluksi më i madh është shënuar më 18 korrik, kur ndihmë mjekësore kërkuan gjithsej 649 pacientë. Nga 14 korriku deri më 25 korrik, numri i përgjithshëm i personave të paraqitur për trajtim ka arritur në 4070.
Uji në Gostivar vazhdon të jetë i papijshëm, ndërsa pritet që nesër të mund të përdoret për nevoja teknike.
