Lirim Kastrati ka hapur një kapitull të ri në karrierën e tij, pasi mbrojtësi i krahut është prezantuar zyrtarisht si futbollist i FK Kauno Žalgiris.
Të lidhura
None found
27-vjeçari i bashkohet kampionit në fuqi të Lituanisë nga skuadra hungareze Diósgyőri VTK. Te klubi i ri, ai do të luajë me fanellën me numrin 62.
Kauno Žalgiris u bë një emër i njohur për tifozët kosovarë gjatë kësaj vere, kur eliminoi Dritën në raundin e parë kualifikues të Ligës së Kampionëve.
Kastrati ka përvojë të konsiderueshme në arenën ndërkombëtare. Që nga debutimi në vitin 2017, ai ka zhvilluar 15 ndeshje me Kombëtaren e Kosovës, ndonëse gjatë viteve të fundit nuk është përfshirë në grumbullimet e “Dardanëve”.
Përmes këtij transferimi, Kastrati kërkon të rikthehet në nivelin e tij më të mirë, duke kontribuar njëkohësisht në përpjekjet e Kauno Žalgiris për ta mbrojtur titullin kampion dhe për të konkurruar në garat evropiane.
