Nuri Bajrami nga Gostivari ka ndërruar jetë në moshën 66-vjeçare, duke lënë pas një veprimtari të spikatur në gazetari, administratën publike dhe institucionet shtetërore.
Të lidhura
None found
Karrierën në media e lidhi që në fillimet e televizionit lokal “TV2” në Gostivar, ku ishte mes bashkëpunëtorëve dhe punonjësve të parë. Për afërsisht dhjetë vjet, ai punoi aty si gazetar dhe kryeredaktor.
Me profesion jurist, Bajrami përmbushi për një periudhë të gjatë detyra edhe në Komunën e Gostivarit.
Ai vijoi angazhimin e tij në Komisionin Shtetëror për Parandalimin e Korrupsionit, duke ushtruar funksionin e nënkryetarit dhe duke kontribuar në përforcimin e integritetit institucional e në luftën kundër korrupsionit.
Familja Bajrami ka bërë të ditur se ceremonia e varrimit do të zhvillohet sot në Gostivar, pas namazit të ikindisë.
