Pas shtatë netësh rresht operacionesh ushtarake amerikane kundër objektivave iraniane, Irani ka lëshuar raketa dhe dronë drejt objektivave të SHBA-së në Bahrein dhe Kuvajt.
Të lidhura
None found
Korpusi i Gardës Revolucionare Islamike (IRGC) deklaroi se objektiv i sulmit ishte Baza Ajrore Sheikh Isa në Bahrein, ku janë të stacionuar avionë luftarakë amerikanë.
Mediat shtetërore të Iranit raportuan gjithashtu për goditjen në Kuvajt të një skele furnizimi me karburant në Portin Al Ahmadi, si dhe të një qendre për të dhëna dhe komunikim.
Ushtria e Kuvajtit njoftoi se mbrojtja ajrore e vendit ka arritur të rrëzojë raketat dhe dronët e nisur nga Irani.
Autoritetet ndërprenë përkohësisht trafikun ajror për shkak të sulmeve me raketa dhe dronë, duke çuar në mbylljen e përkohshme të aeroportit ndërkombëtar të Kuvajtit. Kuwait Airways bëri të ditur se ka ndryshuar oraret e fluturimeve.
Ngjarjet përbëjnë një përshkallëzim të ri të tensioneve në Lindjen e Mesme, teksa përplasjet mes SHBA-së dhe Iranit kanë vijuar prej disa ditësh.
