Policia e Elbasanit ka nisur procedim penal ndaj R. T., 33 vjeç, banues në Tiranë, dhe A. B., 31 vjeç, banues në Librazhd, për veprën penale “Kanosja për shkak të detyrës”.
Rasti u raportua më 17.07.2026, rreth orës 14:00, kur gazetari O. S. njoftoi Sallën Operative të Policisë se ishte ndier i kërcënuar nga dy persona që udhëtonin me një automjet, ndërsa ai po lëvizte në aksin rrugor Librazhd–Elbasan.
Të lidhura
None found
Nën drejtimin e Prokurorisë, specialistët për Hetimin e Krimeve në Komisariatin e Policisë Elbasan zhvilluan veprimet fillestare hetimore dhe administruan provat për ngjarjen.
Pas këtyre veprimeve, ndaj dy shtetasve u regjistrua procedimi penal, ndërsa materialet procedurale i kaluan Prokurorisë për vijimin e mëtejshëm të çështjes.
