Gjatë verës, në përforcimin e kapaciteteve për shuarjen e zjarreve pritet të përfshihen mbi 250 zjarrfikës vullnetarë nga të gjitha shoqatat aktive të zjarrfikësve.
Të lidhura
None found
Drejtori i Drejtorisë për Mbrojtje dhe Shpëtim, Stojançe Angellov, deklaroi se strukturat janë më të përgatitura se kurrë për sezonin e zjarreve.
“Në cilësinë e komandantit të forcave për mbrojtje dhe shpëtim, mjafton një thirrje që të angazhoj deri në 120 zjarrfikës vullnetarë, ndërsa në rast alarmi mund të përfshihen edhe më shumë”, tha Angellov.
Ai sqaroi se, në vend të pjesëtarëve të policisë dhe Ushtrisë, do të angazhohen zjarrfikësit vullnetarë përmes ekipeve të Drejtorisë për Mbrojtje dhe Shpëtim. Sipas tij, kjo do të mundësojë përfshirjen e tyre të saktë, efikase dhe racionale në Sistemin Kombëtar për shuarjen e zjarreve.
“Për sa i përket gatishmërisë sonë për përballimin e zjarreve, këtë sezon jemi të përgatitur më mirë se kurrë më parë”, shtoi drejtori i DMSH-së.
