Rolando Maran feston sot 63-vjetorin e lindjes, një datë e veçantë për teknikun italian pasi është ditëlindja e tij e parë në rolin e trajnerit të Kombëtares shqiptare.
Të lidhura
None found
Federata Shqiptare e Futbollit nuk e ka lënë pa urim këtë rast. Përmes rrjeteve sociale, FSHF ka publikuar mesazhin: “Edhe 100 vite të lumtura mister Rolando Maran”.
Fillimi i aventurës së Maran në pankinën kuqezi nuk ka qenë pozitiv, pasi Shqipëria ka pësuar dy humbje në dy ndeshjet e para miqësore. Megjithatë, prova e vërtetë pritet të vijë në Nations League, kompeticion ku do të kuptohet më qartë edhe filozofia e trajnerit të ri. Para sfidave miqësore, italiani nuk kishte në dispozicion kohën e nevojshme për përgatitje.
