Prokuroria pranë Gjykatës së Shkallës së Parë të Juridiksionit të Përgjithshëm, Berat, ka kërkuar vendosjen e masave të sigurimit “Arrest në shtëpi” dhe “Detyrim për t’u paraqitur në policinë gjyqësore” për 11 persona, të cilët po hetohen për veprën penale “Ushtrimi pa licencë i veprimtarive financiare”. Sipas hetimeve të kryera në kuadër të procedimit penal nr.47, është konstatuar se në gjashtë subjekte tregtare të verifikuara, administratorët dhe punonjësit e tyre kanë zhvilluar aktivitet të këmbimit valutor pa autorizimin e organeve kompetente.
Hetimi proaktiv, që ka zgjatur gjashtë muaj dhe është zhvilluar nga Prokuroria pranë Gjykatës së Shkallës së Parë të Juridiksionit të përgjithshëm Berat, është shtrirë në pesë bashki të qarkut dhe ka provuar veprimtarinë e paligjshme të shtetasve S.T., H.S., M.M., S.H., S.C., A.H., A.S., O.V. Z.M., E.T. dhe K.P.
Të lidhura
None found
Personat në fjalë kishin biznese të regjistruara me objekt veprimtarie “Agjent për kryerjen e veprimtarisë financiare për transfertat e parave në emër dhe për llogari të një subjekti financiar, jo bankë. Më konkretisht, shërbimet Unionnet dhe Ëestern Union, me vendodhje në Berat e Kuçovë, kanë rezultuar se nuk figuronin në listën e zyrave të këmbimit valutor të licencuara, duke funksionuar pa licencë të lëshuar nga Banka e Shqipërië.
Me autorizimin e dhënë nga organi i akuzës për lejimin e veprimeve stimuluese dhe për regjistrim të fshehtë fotografik, filmik ose me video, janë kryer 28 veprime këmbimi të vlerave monetare në subjektet e dyshuara, duke u provuar se ato ushtronin këtë veprimtari pa licencë. Në vijim, Prokuroria pranë Gjykatës së Shkallës së Parë të Juridiksionit të Përgjithshëm, Berat, kërkoi masat e sigurimit “Detyrimi për t’u paraqitur në policinë gjyqësore” dhe “Arrest në shtëpi”, të parashikuara nga nenet 233, 234 dhe 237 të Kodit tё Procedurёs Penale.
Gjatë kontrolleve të kryera në funksion të këtij procedimi, janë gjetur dhe sekuestruar 88 milionë lekë, 118 mijë euro, 7390 dollarë dhe 665 paund.
