Të premten, më 19 qershor, do të rihapet ambasada italiane në Teheran, bashkë me zyrat e Agjencisë Italiane të Tregtisë (ICE), duke sinjalizuar rinisjen e plotë të disa veprimtarive diplomatike dhe ekonomike ndërmjet dy shteteve.
Njoftimi u dha nga ministri i Jashtëm dhe njëherësh zv.kryeministri i Italisë, Antonio Tajani, gjatë seancës së “Kohës së Pyetjeve” në Dhomën e Deputetëve.
Të lidhura
None found
Ai bëri të ditur se ambasadorja italiane në Teheran, Paola Amadei, do të kthehet në detyrë së bashku me personelin diplomatik të Ministrisë së Punëve të Jashtme, çka shënon rikthimin e pranisë institucionale italiane në Iran.
Sipas Tajanit, rihapja do të përfshijë edhe strukturat e Agjencisë Italiane të Tregtisë, me qëllim që bashkëpunimi ekonomik dhe tregtar mes Italisë dhe Iranit të rifillojë gradualisht.
