Mesditën e sotme, një plagosje me thikë është regjistruar në Divjakë. Sipas informacioneve policore raportohet se shtetasi Lulzim Muça, 44-vjeç, banues në Çermë-Proshkë ka qëlluar me thikë shtetasin Ferit Balliu, 64-vjeç, banues në Çermë-Sektor.
Krimi ka ndodhur pas një konflikti të çastit, teksa autori është arrestuar nga Policia, ndërsa i plagosuri është transportuar në spital për të marrë ndihmë mjekësore.
“Nga veprimet hetimore të deritanishme, dyshohet se rreth orës 14:00, shtetasi Lulzim Muça, 44 vjeç, banues në Çermë-Proshkë, pas një konflikti të çastit, për motive të dobëta, ka goditur me mjet prerës (thikë) shtetasin Ferit Balliu, 64 vjeç, banues në Çermë-Sektor, i cili ndodhet në spital, në kujdesin e mjekëve. U sekuestrua mjeti prerës me të cilin autori plagosi 64-vjeçarin”, njoftojnë autoritetet.
Policia thotë se grupi hetimor po punon për zbardhjen e plotë të rrethanave të ngjarjes.
