Një tjetër aksident është regjistruar mbrëmjen e kësaj të dielë. Mësohet se aksidenti i radhës ka ndodhur në Devoll, pranë fshatit Progër. Sipas raportimeve drejtuesi i mjetit ka humbur kontrollin për pasojë ka dalë nga rruga duke përfunduar në kanalin anësor.
Më tej bëhet me dije se për shkak të aksidentit kanë mbetur të plagosur 5 persona.Të lënduarit janë transportuar në spitalin e Korçës për ndihmë mjekësore. Policia ndodhet në vendin e ngjarjes dhe po punon për zbardhjen e plotë të rrethanave të aksidentit.
