Ndërruan jetë 4 ditë më parë, nënë e bijë nuk iu përgjigjën në telefon të afërmve, djali i të ndjerës erdhi nga Greqia

Dy gratë që u gjetën të pajeta në banesën pasditen e sotme në lagjen 17 të qytetit të Korçë, kishin ditë që nuk u përgjigjeshin telefonave celularë.

Viktima Ornela Vangjeli, 54 vjeç, e cila dyshohet se ndërroi jetë nga një atak kardiak, punonte si edukatore në fshatin Vithkuq.

EMRAT/ Tragjedia në Korçë, vajza dyshohet se humbi jetën nga një atak kardiak, nëna e paralizuar ndërroi jetë më pas

U gjetën të pajeta në banesë, djali i të moshuarës së paralizuar tregon telefonatën e fundit. Si refuzoi e bija të shtronte në spital nënën

Por, ditët e fundit, ajo nuk i është përgjigjur thirrjeve telefonike të vëllait të saj. Ky i fundit jetonte dhe punonte ne Greqi. Pasi e motra nuk është përgjigjur në telefon, ai ka ardhur nga Greqia. Vajza nuk vuante nga ndonjë sëmundje.

Sipas policisë dyshohet se vajza e saj mund të ketë pësuar arrest kardiak dhe gjatë kësaj kohe e moshuara nuk ka pasur mundësi të reagonte, duke gjetur edhe ajo vdekjen.

Ende nuk dihet se në çfarë distance kohore kanë ndërruar jetë dy gratë. Dyshohet se ato kanë ndërruar jetë katër ditë më parë.