Autoritetet belge janë vënë në gatishmëri pas një paralajmërimi që morën mbrëmjen e së hënës për një sasi eksplozivi të vendosur në një automjet që gjendej në një anije, e cila nisej për në portin e Antwerpen.
Automjeti duhej të shpërthente pas mbërritjes, raportojnë mediat vendase.
Sipas mediave belge, bëhet fjalë për anijen MSC Bha-vya V, nën flamurin e Liberisë. Ajo ishte ankoruar në Detin e Veriut, pranë Alkmaar, Holandë.
Autoritetet nuk përjashtojnë mundësinë që të bëhet fjalë edhe për një përplasje mes bandash kriminale.
Anija u nis nga Turqia më 9 dhjetor, për në portin e Antwerp-it, ku do të mbërrinte pasdite. Sipas gazetës Het Nieuwsblad, ai u ankorua në Hamburg (Gjermani), Le Havre (Francë) dhe Sines (Portugali).
Sipas të njëjtit burim, një incident i ngjashëm ka ndodhur vitin e kaluar, me një alarm për bombë në një anije me flamur senegalez, në të cilën më pas u gjet një sasi e madhe kokaine. Kërcënimi doli të ishte pjesë e një konflikti mes bandave rivale të drogës.
