Makina përplaset me barrierat e rrugës, çifti i bashkëshortëve përfundon me urgjencë në spital

Një aksident ka ndodhur mëngjesin e sotëm pranë rrethrrotullimit të Thumanës, ku për pasojë kanë mbetur të plagosur burrë e grua.

Mësohet se drejtuesi i mjetit ka humbur kontrollin dhe është përplasur me barrierat anësore të rrugës.

Çifti i të plagosurve është dërguar për mjekim në spital, ndërsa shkak për aksidentin dyshohet se është bërë shpejtësia e lartë me të cilën udhëtonte mjeti.

Ndërkohë policia po punon për zbardhjen e shkaqeve të aksidentit.