Një recetë shumë e shijshme është ajo e petullave me djathë të bardhë, hudhra dhe nenexhik. Një recetë tipike tradicionale e amvisave përmetare dhe e zonave të jugut të Shqipërisë kryesisht.
Tradita e hershme e gjysheve dhe nënave përsëritet brez pas brezi. Receta e petullave pavarësisht se pasurohet me përbërës të tjerë ajo mbetet përherë e gjithmonë më e preferuara.
Të shijshme, me sipërfaqen pakëz krokante dhe të buta nga brenda, nga fëmijëria e në çdo moshë ato tërheqin shijen e kujtdo.
Më poshtë gjeni përgatitjen e petullave të shtëpisë me hudhra, djathë dhe nenexhik, një recetë fantastike për ta përgatitur në familje në çdo kohë.
Receta e shijshme e përgatitjes së petullave me pudhra, nenexhik e djathë
2 gota uji me miell
1 gotë uji me kos
1 kokërr vezë
Gjysmë luge kafeje me sodë
Vaj
Pak kripë
Pak nenexhik i freskët i grirë hollë
Pak gjalpë (një lugë të vogël)
2 thelpinj hudhra
2-3 lugë gjelle me djathë të bardhë të thërrmuar
Përgatitja e petullave
Në një tas të madh hedhim vezën, kosin, kripën, djathin e thërmuar, hudhrat e shtypura, nenexhikun dhe pak gjalpë.
I rrahim fort të gjithë përbërësit dhe më pas hedhim miellin dhe sodën.
Vijojmë t’i rrahim fort derisa masa e brumit të jetë e njëtrajtshme.
Brumi duhet të jetë gjysmë i trashë dhe elastik.
Hedhim vajin në një tigan, të cilin e vendosim në zjarr.
Kur vaji të jetë nxehur, nisim të skuqim petullat.
Mund të përdorim një lugë gjelle për ndarjen e brumit për çdo petull.
Duhet të kujdesemi që largësia nga njëra-tjetra duhet të jetë deri në 3 apo 4 cm, sepse gjatë skuqjes brumi hapet.
Petullat skuqen nga njëra anë dhe pastaj kthehen nga ana tjetër.
Nëse preferoni, pasi i keni skuqur petullat, mund t’i kombinoni me kos
