Një gjykatë ukrainase ka ndaluar partinë politike të një oligarku ukrainas, i cili është aleat i ngushtë i presidentit rus Vladimir Putin.
Ministria e Drejtësisë njoftoi në një postim në Facebook se Gjykata e Tetë e Apelit Administrativ kishte shpallur të jashtëligjshme Partinë e Opozitës, Për Jetën, e dyta më e madhe në parlament, dhe kishte shtetëzuar të gjitha asetet dhe pronat e saj.
Mbështetësi kryesor i partisë është Viktor Medvedchuk, i cili u arrestua në fillim të prillit pasi u arratis më parë nga arresti shtëpiak. Ai është akuzuar për “tradhti”, shitje të sekreteve ushtarake Rusisë dhe grabitje të burimeve kombëtare në gadishullin e Krimesë të aneksuar nga Rusia.
Ministria e Drejtësisë shtoi se gjithsej 11 parti politike pro-ruse tani janë ndaluar “për minimin e sovranitetit të Ukrainës”.
