Pak pas mesnate një mjet tip “Jeep” është gjetur i shkrumbuar në vendin e quajtur “Kanali i Motorrit”, pylli i Sodës, Vlorë.
Paraprakisht dyshohet se mjeti i cili ishte pa targa është e qëllimshme. Policia ka nisur hetimet për këtë ngjarje dhe për të parë se kujt i përket automjeti.
Një nga dyshimet lidhet dhe me faktin se mund të ketë tërhequr ndonjë mjet lundures, dyshim që lidhet me faktin se automjeti është djegur shumë pranë bregdetit.
Njoftimi i policisë:
Vlorë/ Informacion paraprak
Më datë 14.04.2022, rreth orës 01:15, në vendin e quajtur “Kanali i Motorrit”, është konstatuar duke u djegur një automjet tip “fuoristradë”, pa targa, i cili është djegur plotësisht.
Grupi hetimor ndodhet në vendngjarje dhe po punon për identifikimin e pronësisë dhe zbardhjen e rrethanave të djegies së automjetit./albeu.com
