Ministrat e Jashtëm të NATO-s do të takohen sot në Bruksel për situatën e luftës në Ukrainë.
Moska duket se nuk heq dorë nga pushtimi i Ukrainës.
Ndërkohë trupat ushtarake ruse të vendosur larg Kievit janë duke u rigrupuar, riarmatosur dhe rifurnizuar dhe se po e zhvendosin fokusin e tyre në lindje, kështu ka bërë me dije më herët sekretari i Përgjithshëm i NATO-s Jens Stoltenberg përpara takimit.
Ministrave do t’u bashkohen për bisedime homologët e tyre nga Ukraina, Finlanda, Suedia, Gjeorgjia dhe Bashkimi Evropian, dhe nga partnerët e NATO-s në Azi-Paqësor – Australia, Japonia, Zelanda e Re dhe Republika e Koresë.
