Presidenti amerikan Joe Biden pritet të takohet sot me presidentin polak.
Biden zhvilloi gjatë tre ditëve të fundit takime në Europë me aleatët e G7, Këshillin Europian dhe NATO-n, presidenti amerikan Joe Biden , do t’i drejtohet ditën e sotme qytetarëve në Poloni me një fjalim lidhur me luftën në Ukrainë si edhe krizën e refugjatëve.
Polonia është vendi që ka pranuar më shumë refugjatë të larguar për shkak të pushtimit rus.
Fjalimi i tij pritet të fokusohet tek “bota e lirë” që kundërshton pushtimin rus të Ukrainës dhe sigurisht tek uniteti i krijuar midis ekonomive kryesore për shkak të domosdoshmërisë për të ndaluar Vladimir Putinin.
Gjithashtu Biden do të takohet edhe me presidentin polak, Andrzej Duda.
