Prokuroria e Posaçme (SPAK) pas hetimeve ka dhënë pretencën për zyrtarët e arrestuar të Ministrisë së Brendshme, të cilët kanë abuzuar me tenderin e uniformave të Policisë së Shtetit.
Është kërkuar që të dënohen me 1.6 vite burg me gjykim të shkurtuar; Edlira Naqellari, Flutura Çekrezi, Fatmir Demneri, Mariglen Buzali, Kreshnik Bejkaj, Ani Omuri, Gëzim Mingaj, Anisa Bogdani, Aurora Mulla dhe Klevis Hasani.
Dhe si masë plotesuese, heqja e të drejtës për të ushtruar funksione publike për një periudhë 3-vjeçare./albeu.com
Kujtojmë se, zyrtarët e Ministrisë së Brendshme kanë ndryshuar sasinë e uniformave, që do të merrnin, por nuk kanë ndryshuar çmimin e tenderit prej 2.8 miliardë lekësh, duke shkelur hapur standardet e garës.
Lexo po ashtu
Konkretisht tenderi ishte rënë dakord për një sasi dorëzimi prej 726 mijë artikuj si kapelet, uniforma apo këpucë, por kjo nuk është zbatuar.
Sipas rregullave tenderi duhet të ishte i ndarë në tre pjesë të ndryshme, duke filluar më uniformat, këpucët dhe shpërndarja. Komisioni i Vlerësimit të Ofertave në Ministrinë e Brendshme ka bërë bashkimin e të tre këtyre pjesëve në vetëm një të tillë, çfarë ka çuar deri në rritje të çmimit, ulje të sasisë së materialeve dhe reduktim të cilësisë./albeu.com
