Zjarri përfshin fshatin Armen në Selenicë, erërat e forta përshpejtojnë përhapjen e flakëve

Një vatër e madhe zjarri është aktivizuar këtë të mërkurë në fshatin Armen, pjesë e Bashkisë Selenicë, duke përfshirë sipërfaqe të gjera toke.

Flakët kanë dëmtuar bimësinë, ullinjtë dhe pemë të tjera frutore, ndërsa përhapen me ritme të shpejta në zonë.

Erërat e forta po favorizojnë zgjerimin e zjarrit dhe po e bëjnë më të vështirë izolimin e tij. Situata vijon të jetë kritike, ndërsa ekipet po punojnë për të neutralizuar flakët.