Kryetari i Partisë Demokratike të Kosovës, Bedri Hamza, deklaroi para mediave se takimi me Kryesinë dhe Grupin Parlamentar të PDK-së do të fokusohej edhe në zhvillimet e fundit politike.
Të lidhura
None found
Një nga çështjet e ngritura prej tij ishte ndryshimi i Ligjit për Dhomat e Specializuara, temë për të cilën Hamza kishte biseduar një ditë më herët me kryeministrin Albin Kurti.
Sipas Hamzës, procedura duhet të nisë me miratimin e ndryshimeve ligjore në të dyja leximet. Vetëm pas kësaj, tha ai, duhet të paraqitet kandidatura për president dhe të zhvillohet votimi, në mënyrë që Kosova të mos shkojë në zgjedhje.
“Qëndrimi ynë është që ligji të miratohet në dy leximet, pastaj të propozohet emri për president dhe të bëhet zgjedhja e tij, me qëllim që të shmangen zgjedhjet. Nëse dikush synon ta çojë vendin në zgjedhje, kjo është çështje tjetër”, u shpreh Hamza.
Ai njoftoi gjithashtu se çdo takim i ardhshëm me kryeministrin Kurti do t’i bëhet i ditur publikut në kohën e duhur.
