Lituania kaloi në gjendje gatishmërie të lartë pas njoftimit se një dron, që dyshohet se kishte hyrë nga Bjellorusia, ishte konstatuar në territorin e saj.
Të lidhura
None found
Si masë sigurie, autoritetet pezulluan aktivitetin në aeroportin e Vilniusit dhe aktivizuan avionët luftarakë të NATO-s.
Bëhet fjalë për avionët e angazhuar në misionin e patrullimit ajror të NATO-s në rajonin baltik, të cilët u ngritën në fluturim pas raportimit për praninë e mjetit pa pilot.
Detajet për incidentin dhe reagimin e forcave ajrore u bënë publike nga Qendra Kombëtare e Menaxhimit të Krizave në Lituani.
Ndërkohë, autoritetet u kërkuan banorëve në zonën e gjerë të Vilniusit të qëndrojnë të vëmendshëm dhe të jenë të gatshëm të kërkojnë strehim në rast nevoje.
