Presidenti amerikan Donald Trump tha se raportet me kryeministren e Italisë, Giorgia Meloni, janë “shumë të mira”, ndërsa theksoi se ajo “gjithmonë i ka pëlqyer”.
Të lidhura
None found
Trump u shpreh për marrëdhënien me kreun e qeverisë italiane gjatë një bisede me gazetarët në Shtëpinë e Bardhë.
“Shumë e mirë. Mendoj se është një marrëdhënie shumë e mirë. Ajo më pëlqen. Gjithmonë më ka pëlqyer”, deklaroi presidenti amerikan.
Kjo deklaratë vjen pas disa muajsh të shoqëruar me tone më të tensionuara mes dy liderëve. Sipas interpretimit të mediave italiane, qëndrimi i fundit i Trumpit sinjalizon një zbutje të retorikës ndaj Melonit, pas mosmarrëveshjeve të mëparshme për çështje që përfshijnë qëndrimin ndaj luftës në Iran dhe angazhimin e vendeve europiane.
Trump dhe Meloni kanë shfaqur edhe më herët afrimitet publik. Presidenti amerikan e ka cilësuar kryeministren italiane si mike dhe ka nënvizuar ekzistencën e marrëdhënieve të mira mes Shteteve të Bashkuara dhe Italisë.
