Një anije-cisternë që transportonte naftë bruto është goditur në Ngushticën e Hormuzit, duke shënuar incidentin e dytë ndaj një mjeti lundrues brenda pak orësh.
Të lidhura
None found
Raportimi për ngjarjen është bërë nga UKMTO, shërbimi britanik që merret me informacionet mbi sigurinë detare. Sipas këtij shërbimi, kapiteni deklaroi se cisterna u qëllua nga një predhë e paidentifikuar.
Në çastin e sulmit, anija ndodhej rreth 4 milje detare në lindje të Omanit.
Asnjë prej anëtarëve të ekuipazhit nuk ka pësuar dëmtime. Ndërkohë, autoritetet ende nuk kanë përcaktuar përmasat e dëmeve në anije dhe as nëse incidenti ka shkaktuar pasoja mjedisore.
Ngjarja vjen vetëm pak kohë pas një sulmi tjetër të raportuar ndaj një anijeje në të njëjtën ngushticë.
Ngushtica e Hormuzit konsiderohet një prej korridoreve kryesore globale për transportin e hidrokarbureve. Përpara shpërthimit të luftës, nëpërmjet saj kalonte rreth 20% e hidrokarbureve në botë.
