Nënkryetarja e PDK-së, Vlora Çitaku, reagoi pas miratimit unanim të Deklaratës në mbështetje të UÇK-së dhe ish-drejtuesve të saj.
Të lidhura
None found
Në një postim në Facebook, ajo shprehu mirënjohje për 99 deputetët që votuan pro deklaratës dhe tha se tashmë Qeveria duhet ta procedojë në Kuvend Projektligjin për ndryshimin dhe plotësimin e Ligjit për Dhomat e Specializuara.
“Sot Kuvendi e bëri të qartë vullnetin e vet. Tani Qeveria duhet ta sjellë në Kuvend Projektligjin për ndryshimin dhe plotësimin e Ligjit për Dhomat e Specializuara, në mënyrë që votimi të bëhet pa vonesë.
Deklarata përbën zotim, ndërsa ligji është veprim. Duhet t’i bëjmë realitet të dyja pa humbur kohë. Sot dëshmuam se kjo është e mundur. UÇK-ja le të na bashkojë”, shkroi Çitaku.
