Përplasje mes dy personash pranë Pazarit të Vjetër në Korçë, shoqërohen në komisariat

Një incident mes dy personash është shënuar mbrëmjen e sotme në zonën pranë Pazarit të Vjetër, në qytetin e Korçës.

Njëri prej të përfshirëve ka pësuar dëmtime të lehta dhe është trajtuar në spital. Sipas të dhënave, gjendja e tij nuk paraqet rrezik për jetën.

Policia ka bërë identifikimin e të dy personave dhe i ka shoqëruar në komisariat. Ndërkohë, vijon puna për sqarimin e plotë të shkaqeve dhe rrethanave të konfliktit.