Të shtëna me armë zjarri kanë ndodhur mbrëmjen e sotme në Ksamil, ku si pasoje e të shtënave u plagos një 33 vjeçar në dhomën e hotelit.
Mësohet se i plagosur ka marrë plagë në bark dhe është dërguar me urgjencë në spitalin e Sarandës ku po i nënshtrohet operacionit.
Ndërkohë, për ngjarjen janë shoqëruar 7 persona./albeu.com/
Njoftimi i policisë:
“Rreth orës 20:45, në spitalin e Sarandës ka shkuar një 33-vjeçar për ndihmë mjekësore, dyshohet i plagosur me armë zjarri në rrethana ende të paqarta në një dhomë hoteli në Ksamil. Shërbimet e Policisë dhe grupi hetimor kanë shkuar menjëherë në vendngjarje. Janë shoqëruar nga Policia deri në këto momente 7 persona për tu marrë në pyetje në lidhje me rrethanat e ngjarjes. Grupi hetimor vijon punën për zbardhjen e e plotë të rrethanave të ngjarjes”, njofton policia.
