Bedri Halimi, kryeinspektor në Ministrinë e Mjedisit dhe Planifikimit Hapësinor, është shpallur i pafajshëm për rastin e njohur si “Brezovica”.
Të lidhura
None found
Vendimi është bërë publik nga avokati i tij, Haxhi Millaku, pas përfundimit të procesit në Gjykatën Themelore për Krime të Rënda në Pejë.
Sipas deklarimit të vetë Halimit, trupi gjykues ka vendosur në mënyrë unanime ta shpallë të pafajshëm për të gjitha pikat e aktakuzës së ngritur nga Prokuroria Themelore në Ferizaj.
“Sot në Gjykatën Themelore për Krime të Rënda në Pejë, trupi gjykues më shpalli unanimisht të pafajshëm, në cilësinë e kryeinspektorit të MMPH-së, për të gjitha pikat e aktakuzës së ngritur nga Prokuroria Themelore në Ferizaj lidhur me keqpërdorimin e detyrës zyrtare në procesin Brezovica”, ka deklaruar Halimi.
Ai është shprehur se akuzat ndaj tij nuk ishin mbështetur në fakte, ndërsa provat e shqyrtuara gjatë gjykimit, sipas tij, ndikuan në marrjen e vendimit për pafajësi.
“Kur akuza nga policët hetues dhe prokurori ndërtohet pa fakte, ajo përballet me prova dhe fjalën përfundimtare e jep Gjykata”, ka shkruar Halimi.
