Hristijan Mickoski ka deklaruar sërish se OBRM-PDUKM-ja është e gatshme të përballet me zgjedhje të parakohshme parlamentare, nëse një kërkesë e tillë paraqitet nga opozita në Kuvend. Sipas tij, partia në pushtet do ta mbështesë zhvillimin e tyre dhe do të fitojë.
Të lidhura
None found
Kryeministri kujtoi se qeveria aktuale është mandatuar nga qytetarët për të qeverisur gjatë një periudhe të plotë katërvjeçare. Ai theksoi gjithashtu se zgjedhjet e rregullta janë paraparë të mbahen në prill 2028.
“Për zgjedhjet e parakohshme tashmë jam përgjigjur. Kjo qeveri e ka marrë besimin e qytetarëve për ta përfunduar mandatin katërvjeçar. Megjithatë, nëse opozita e bashkuar, përkatësisht koalicioni i udhëhequr nga BDI-ja, koalicioni i udhëhequr nga LSDM-ja dhe Levica, paraqet një kërkesë të tillë në Kuvend, ne do t’i përgjigjemi pozitivisht, do t’i zhvillojmë zgjedhjet dhe do t’i fitojmë”, tha Mickoski.
