Barcelona e nisi mbrëmë në mënyrë bindëse sezonin e ri në Ligën e Kampionëve, duke triumfuar 5-1 ndaj Feyenoordit, por situata jashtë fushës në ‘Camp Nou’ ishte larg normales.
Reshjet e rrëmbyeshme nxorën në pah probleme të mëdha në stadiumin e gjigantit katalanas. Uji depërtoi në të gjithë sektorin ku ndodhen tribuna VIP dhe zona e rezervuar për mediat.
Të lidhura
None found
Hapësira e gazetarëve u mbush me aq shumë ujë, sa pamjet tregonin një përmbytje të mirëfilltë, ndërsa shumë prej vendeve nuk mund të përdoreshin.
Gazetari holandez Mikos Gouka, i cili kishte udhëtuar për të ndjekur Feyenoordin, filmoi situatën e krijuar. Në video shihen pjesëtarët e ekipeve të shtypit teksa përpiqen të mbrojnë pajisjet e tyre kompjuterike.
Problemet në ‘Camp Nou’ mbeten të konsiderueshme, megjithëse punimet për rinovimin e stadiumit vazhdojnë ende. Pas përfundimit të procesit, vlera e impiantit pritet të arrijë shifrën e pabesueshme prej 1.5 miliardë eurosh.
Përveç përmbytjes në tribuna dhe zonën e mediave, një tjetër “përmbytje” e përjetoi edhe Feyenoordi në fushë, ku gjërat nuk shkuan aspak mirë për skuadrën.
Raphinha realizoi dy gola për Barcelonën, kurse Lamine Yamal, Karim Adeyemi dhe Lamine Yamal shënuan nga një gol secili.
