Milani po tenton të sjellë në Milano yllin holandez duke përfituar nga kriza për shkak të pandemisë.
Sipas medieve në Itali, oferta prej 20 milionë euro do të kishe edhe shpërblime të caktuara për të ardhmen.
Jo shumë kohë më parë, Milan ishte përpjekur për një transferim të Depay, dhe Lyon kërkonte 50 milionë euro, përcjell lajmi.net.
Sidoqoftë, shumë gjëra kanë ndryshuar që nga ajo, veçanërisht në lidhje me çmimet e lojtarëve, të cilët kanë rënë jo pak, shkaku krizës së madhe në futboll.
Depay ka një kontratë me Lyon deri në vitin 2021, dhe duke pasur parasysh se kampionati i futbollit në Francë ka përfunduar, është e qartë se Lyon sezonin tjetër nuk do të jetë pjesë e Evropës, diçka që mund të shty holandezin të ndërrojë skuadër.
