Besa e Kavajës ka zyrtarizuar afrimin e Henry Markut, i cili bëhet futbollisti më i ri i skuadrës.
Mbrojtësi 26-vjeçar ka vendosur të mbyllë eksperiencën e tij me Tiranën në Superiore, për të vazhduar karrierën me një aventurë të re në Kategorinë e Parë.
Të lidhura
None found
Për Markun, kjo lëvizje përbën një rikthim në ligën e dytë shqiptare për nga rëndësia, pasi në periudhën nga viti 2022 deri në vitin 2024 ai ka qenë pjesë e Korabit.
Karrierën e tij futbollisti e nisi në Angli, ku u aktivizua me Oxhey Jets, Wingate FC dhe New Salamis. Në vitin 2021 ai mbërriti në Shqipëri, ndërsa më pas ka luajtur për Elbasanin, Korabin dhe Tiranën.
Ky është afrimi i katërt zyrtar i Besës, skuadër që tashmë konsiderohet pretendente për t’u ngjitur në Superiore falë lëvizjeve në merkato. Më herët, me “verdhezinjtë” janë bashkuar edhe Fatmir Prenga, Suleiman Danladi dhe Manfredas Ruzgis.
