Mesfushori Leorat Bega është zyrtarisht lojtar i ri i klubit italian Hellas Verona.
Konfirmimi për transferimin e tij erdhi përmes një njoftimi zyrtar nga Verona, ekip ku Bega do të synojë të japë kontributin e tij në përpjekjen për rikthim në Serie A.
Të lidhura
None found
Futbollisti ka firmosur një marrëveshje trevjeçare, pasi iu bashkua klubit si lojtar i lirë, meqë kontrata e tij me skuadrën zvicerane Stade Nyonnais përfundoi gjatë verës.
“Hellas Verona është e lumtur të afrojë mesfushorin Leorat Bega. Lojtari, kontrata e të cilit me ekipin Stade Nyonnais po skadonte, ka nënshkruar deri më 30 qershor 2029”, thuhet në komunikatë.
I lindur në vitin 2003, Bega konsiderohet një lojtar me vlera të mëdha, ndërsa në edicionin e kaluar ai regjistroi 56 paraqitje, duke realizuar pesë gola dhe tri asistime.
Së fundmi, ai ka qenë pjesë e Zvicrës U19, çka nënkupton se në një të ardhme të afërt gëzon të drejtën të luajë për Kosovën.
